TOShKENT, 12 noya — Sputnik. Nursulton Nazarboyev Rossiya prezidenti Vladimir Putin va Ukraina prezidenti Vladimir Zelenskiy yuzma-yuz uchrashishlari kerakligini aytdi.
Sputnik Qozog‘istonning yozishicha, sobiq prezident Qozog‘iston agar neytral hudud kerak bo‘lsa, maydon taqdim etishi mumkinligini aytgan.
“Men allaqachon Zelenskiyning yuzma-yuz uchrashuvga roziligini oldim (Vladimir Zelenskiy – Ukraina rahbari). Bu haqda Rossiya prezidentiga ma’lum qildim. Endi ko‘ramiz, agar neytral maydon kerak bo‘lsa, men Qozog‘istonni taklif qildim”, - dedi Nazarboyev.
Eslatib o‘tamiz, avvalroq Vladimir Zelenskiy Vladimir Putin bilan telefon orqali Donbassda to‘rt nafar ukrain harbiylarining halok bo‘lishini muhokama qilgan edi.
