TOShKENT, 21 okt - Sputnik. Italiyalik mashhur xonanda Al Bano o‘z qizi bilan Toshkentda konsert beradi, deb xabar qilmoqda "Afisha.uz".
“Al-Bano va Romina Karrizi dueti konserti 22-oktabr kuni Xalqlar do‘stligi saroyida bo‘lib o‘tadi”, - deyilgan xabarda.
Eslatib o‘tamiz, Al Bano 80-90 yillarda o‘ta mashhur bo‘lgan bir necha qo‘shiqlar ijrochisidir. Xususan Felicità, Ci Sarà, Sharazan, Liberta va boshqa mashhur qo‘shiqlar yillar davomida ko‘pchillik sevib kuylaydigan xitlarga aylangan.
Shuningdek, 18-dekabr kuni Toshkentdagi Humo Arena muz saroyida Rossiya estradasi qiroli Filipp Kirkorovning konserti ham bo‘lib o‘tadi. Xonanda o‘zining The Best nomli yakkaxon dasturi bilan sahnaga chiqadi.
