Ekspertlar fikricha, mehnat haqidan to‘lanadigan 4-6% hajmdagi imtiyozli soliqlar ko‘pgina chet elliklar uchun patent to‘lovidan ko‘ra foydaliroq bo‘lishi mumkin.
"Agar siz o‘rtakash orqali ishga yollanayotgan bo‘lsangiz — bu qo‘shimcha bo‘g‘in, va, tabiiyki, siz olishni rejalashtirgan maoshning ma’lum bir qismi o‘sha o‘rtakashning cho‘ntagiga kiradi", - deb ta’kidlaydi Kovalev.
Ekspert fikriga ko‘ra, bunday tizim hech kimga tobe bo‘lishni istamaydiganlar uchun ma’qul keladi - ular mustaqil ishlaydilar va barcha xatarlarni o‘z bo‘ynilariga oladilar, deb yozmoqda Sputnik Tojikiston. Biroq bunday bandlik ham nazorat ostida bo‘lishi kerak, deb qo‘shimcha qiladi ekspert.
"Tanganing ikki tomoni bo‘lgani kabi, bu taklifning ham ikkita maqsadi bor. Birinchidan, taklif migrantlarga ularning qonuniy ishlashlari va soliq to‘lashlari uchun imkoniyat berishga yo‘naltirilgan. Bunda juda qimmat turadigan patentni olishga ehtiyoj qolmaydi, 4% miqdorda imtiyozli stavkada soliq to‘lanadi, xolos. Ikkinchi tomoni - Rossiyaga ko‘proq migrantlarni jalb qilishdir. Rossiyada ishchi kuchi yetishmayapti, dvlat qonuniy migrantlarni qabul qilishdan manfaatdor", - dedi Kovalev.
