TOShKENT, 7 okt - Sputnik. Respublikada joriy etilgan qo‘shimcha qiymat solig‘i stavkasi tushirilishi barobarida mahalliy va xalqaro poyezdlar chiptalariga narxlar tushirildi.
"2019 yil 1-oktabrdan O‘zbekistonda QQS stavkasi 20% dan 15% gacha kamayganligi sababli chipta narxi mos ravishda pasaytirildi", - deyiladi xabarda.
Qo‘shilgan qiymat solig‘i stavkasining pasayishi "O‘zbekiston temir yo‘llari"AJning barcha mahalliy va xalqaro poyezdlari uchun komissiya yig‘imiga ham tegishli.
Qolaversa, kecha xabar qilinganidek, “Yo‘lovchi vagonlarini ta’mirlash va ularga xizmat ko‘rsatish Toshkent zavodi” 2025-yildan e’tiboran 300 ta yangi vagonlarni foydalanish uchun topshirishni rejalashtirgan. Natijada, respublikada harakatdagi yo‘lovchi sostavning 70-80%i yangilanadi.
Yangi yo‘lovchi vagonlarining, asosan, mahalliy marshrutlarga tushirilishi kutilmoqda.
