Press-tur davomida GPS nazorati tizimi, avtobus saroyiga biriktirilgan shoxbekat, sinov tariqasida keltirilgan elektrobus qatnovi, shuningdek, avtobus saroyining ish faoliyati tanishtirildi.
Hozirda “Toshshahartransxizmat” AJ tarkibida 8 ta avtobus saroyi, 2 ta unitar korxona mavjud. Avtobus saroylari tomonidan 136 ta yo‘nalishda transport xizmati yo‘lga qo‘yilgan bo‘lib, yiliga o‘rtacha 200 milliondan ziyod yo‘lovchi tashiladi. Bulardan 47,8 foizi oylik yo‘l chiptalaridan foydalanadigan yo‘lovchilar hamda 2,2 foizi imtiyozga ega bo‘lgan yo‘lovchilardir. Mazkur yo‘nalishlarga 1000 dan avtobus biriktirilgan va ular tomonidan bir kunda 13000-14000 qatnov amalga oshirilmoqda.
Sputnik O‘zbekiston muxbiri “Toshshahartransxizmat” faoliyatini suratlarga muhrladi.
