TOShKENT, 12 sen - Sputnik. Ijtimoiy tarmoqlarda Rossiyadagi Amur gazni qayta ishlash zavodi ishchilari o‘rtasida yuz bergan ommaviy mushtlashuv tasvirlangan video paydo bo‘ldi.
Videoda mushtlashuvda 10 dan ortiq kishi ishtirok etayotgani ko‘rish mumkin. Ayrim ishchilar stullarni uloqtirib, hamkasblarining yoqasidan ushlab, do‘pposlamoqda. Boshqalari esa mushtlashayotganlarni ajratib qo‘yish bilan ovvora. Ishchilarning bir qismi chetda turib, bo‘layotgan voqeani kuzatmoqda.
Tashkilot matbuot xizmati xabariga ko‘ra, mushtlashuv tushlik vaqtida yuz bergan.
“Ishchilardan biri hamkasbi bilan janjallashib qolgan. Shundan so‘ng janjal mushtlashuvga aylanib ketgan”, - deya yozadi “Amur.Info” nashri.
Mushtlashuv oqibatida hech kim jabrlanmagan. Sakkiz kishi qo‘lga olingan.
Hozirda politsiya janjal tafsilotlarini aniqlamoqda.
