TOShKENT, 11 sen – Sputnik. Sirdaryoda paxta teruvchilar uchun hasharchilar shaharchasi qurildi, deb xabar qilmoqda Mehnat vazirligi matbuot xizmati.
Hasharchilar shaharchasi yoki eksperimental namunadagi dala markazi Vazirlar Mahkamasining 2019-yil 3-avgustdagi qaroriga asosan Sirdaryo viloyati Boyovut tumanida tashkil etilgan.
Shaharchada paxta terimiga jalb etilgan hasharchilar yashashi va hordiq chiqarishi uchun barcha sharoitlar yaratilgan. Xususan u yerda yotoqxona, dam olish xonasi, ovqatlanish uchun stol stullar, tibbiyot xonasi, issiq suvli dush, hojatxona va boshqa sharoitlar mavjud. Shaharcha 400 kishiga mo‘ljallangan.
2019 yilgi terim mavsumida hasharchilar shaharchalari faqat Sirdaryo viloyati bo‘ylab tashkil qilinadi. Umumiy hisobda 90ta ana shunday shaharcha tashkil qilish rejalashtirilgan. Keyingi yildan boshqa viloyatlarda ham shunday shaharlar barpo etilishi mumkin, deyilgan xabarda.
