TOShKENT, 8 sen – Sputnik. Toshkentda ikkita ajoyib insonparvarlik loyihalari bor: biri boshpanasiz kishilarga joy va ovqat berishga yo‘naltirilgan, ikkinchisi esa - qarovsiz qolgan hayvonlarni saqlash joyi, deb xabar qilmoqda Insider.uz nashri.
Birinchisi, matbuotda ko‘pincha “Shelter” deyiladi. U IIBB tomonidan tashkil qilingan bo‘lib Bektemirda joylashgan va uning faoliyatini podpolkovnik Jafar Amonov yuritadi.
Ikkinchisi esa, Toshkent viloyatida "Mayskiy" posolkasida joylashgan, “Priyut dlya bezdomnix jivotnix” deyiladi va uni Iroda Matkarimova yetakchiligida hayvonlarga befarq bo‘lmagan ko‘ngillilar tashkil qilgan.
Ana shu ikkala loyihalarni yurituvchi ajoyib insonlar bir kun emas bir kun baribir uchrashishlari kerak edi va ular uchrashishdi. Natijada boshpanasiz fuqarolar qarovchisiz qolgan hayvonlar oldga kelishdi.
“Hayvonlar oldiga nafaqat bir iloj qilib tirik qolishni istagan fuqarolar, balkim oldinga qarab yana bir qadam qo‘yishni, o‘zini kimgadir kerak deb his qilishni istaydigan kishilar keldi. Axir o‘zini “bomj” emas “volontor” deb his qilish – bu juda zo‘r-ku!”, - deb yozadi Insider muallifi.
Ularning ayrimlar soyada itlarni silab o‘tirsa, boshqalar darhol xo‘jalik ishlarida yordam berishga kirishishdi. Itlarga suv, ovqat berish, hududni tartibga keltirish va boshqa ishlar.
Ushbu yangilik Samarqand voqealardan so‘ng qalblarda paydo bo‘lgan yaralarga ajoyib malham bo‘ldi. O‘zbekistonda hayvonlarni o‘ldiruvchilardan ko‘ra, ularga mehribonlik qilishga tayyor bo‘lgan odamlar ko‘proq ekanligini ko‘rsatdi, deyilgan xabarda.
