TOShKENT, 30-iyul — Sputnik. O‘zbekistonning sobiq bosh prokurori Otabek Murodov ishi DXXning sobiq rahbari Ixtiyor Abdullayev ishi doirasida ko‘rib chiqilmoqda. Bu haqda RIA Novosti Bosh prokuratura matbuot xizmatiga tayanib xabar qilmoqda.
“Sobiq bosh prokuror Otabek Murodovning ishi sobiq Davlat xavfsizlik xizmati raisi Ixtiyor Abdullayevning ishi doirasida ko‘rib chiqilmoqda”, - dedi Bosh prokuratura vakili tergov tafsilotlari haqidagi savolga javoban.
Eslatib o‘tamiz, Otabek Murodovning vazifasidan ozod qilingani 20-iyun kuni ma’lum bo‘lgan edi. 21-iyun kuni bo‘lib o‘tgan Oliy Majlis Senatining 20-majlisida prezident Shavkat Mirziyoyev sobiq bosh prokuror Otabek Murodovga nisbatan jinoiy ish ochilganini ma’lum qilgan edi.
Otabek Murodov 2018-yilning yanvarida Ixtiyor Abdullayev o‘rniga bosh prokuror etib tayinlangandi.
DXXning sobiq raisi Ixtiyor Abdullayev ishi bo‘yicha jami 10 nafardan ortiq kishi, jumladan, DXX rahbarining sobiq birinchi o‘rinbosari Jahongir Egamov va Oliy sud raisining sobiq o‘rinbosari Bahodir Dehqonov ham sud qilinmoqda.
