TOShKENT, 24-iyul - Sputnik. O‘zbekiston Jurnalistlar ijodiy uyushmasi - jurnalistining kasb etikasi kodeksini e’lon qildi.
Jurnalistlar kodeksining asosiy tushunchalari quyidagilardan iborat:
- Xolislik va betaraflik – jurnalist voqea-hodisalarni xolisona yoritadi, ijtimoiy ahamiyatga ega axborotni yashirmaydi;
- Ishonchlilik - jurnalist axborotni tekshirib, haqqoniyligiga ishonch hosil qilganidan so‘ng uni tarqatadi va sharhlaydi;
- Milliylik va adabiy til – jurnalist o‘z millati va boshqa millatlar urf-odat va madaniyatiga nisbatan hurmat saqlaydi, materialni tarqatishda adabiy til qoidalariga amal qiladi;
- Shaxsga hurmat – jurnalist shaxsiy hayot daxlsizligini hurmat qiladi, inson qadr-qimmati kamsitilishiga yo‘l qo‘ymaydi. Shaxsiy hayot haqidagi ma’lumotlarni faqat ruxsat olgan holda tarqatadi;
- Qonun doirasida - jurnalist noqonuniy yo‘l va nomaqbul vositalar yordamida axborot to‘plash, ovoz yozib olish va materiallar to‘plashi mumkin emas;
- Plagiatsiz - jurnalist o‘z faoliyatida plagiatga (ko‘chirmakashlikka) yo‘l qo‘ymaydi. Boshqa manbaa axborotidan foydalanganda – aniq manbaa ko‘rsatilishi shart.
Ushbu kodeks jurnalistlar va barcha ommaviy axborot vositalari xodimlari o‘z kasb majburiyatlarini bajarishda rioya etishi shart bo‘lgan ma’naviy-axloqiy yo‘nalishlarni belgilaydi.Uning to‘liq matni bilan quyida tanishishingiz mumkin.
