TOShKENT, 23-iyul – Sputnik. Boris Jonson Britaniyaning yangi bosh vaziri etib saylandi. Konservatorlar partiyasi a’zolari orasida bo‘lib o‘tgan ovoz berishda Boris Jonson 92 153 ta ovoz bilan o‘z raqibi Jeremi Xantni (46 656 ovoz) orqada qoldirdi.
Jonson ertaga, 24-iyuldan boshlab bosh vazir vazifalarini bajarishga kirishadi.
G‘alabadan so‘ng ilk so‘zida Jonson Tereza Meyga minnatdorlik bildirib, uning uchun ushbu lavozimda ishlash “ulkan sharaf va imtiyoz” ekanini qayd etdi. Shuningdek, yangi bosh vazir brekzitni oxiriga yetkazishni va’da berdi.
Boris Jonson 1964-yilning 19 iyunida Nyu Yorkda tug‘ilgan. Uzoq yillar davomida Daily Telegraph nashrida jurnalist bo‘lib ishlagan. 2008 -2016 yillarda London shahri meri, 2016 – 2018-yillarda Britaniya tashqi ishlar vaziri lavozimida ishlagan.
2018 yilda aynan Brexit masalasida yuzaga kelgan kelishmovchiliklar tufayl Jonson iste’foga chiqqan edi. Jonson keskin shartlarda YeI dan chiqish va o‘zaro savdo munosabatlarda qattiq cheklovlar qo‘yish tarafdori bo‘lgan edi. Sobiq bosh vazir Tereza Mey esa o‘shanda “yumshoq brekzit” tarafdori bo‘lgan edi.
