Qozog‘iston 2019-yil iyun oyi oxiridan 17-iyulgacha O‘zbekistonga 145 mln kVt-soat elektr energiyasini eksport qildi. 2019-yil davomida O‘zbekiston energetika tizimiga 1 mlrd kVt-soatdan oshiqroq elektr energiyasi eksport qilinadi. O‘zbekistonga elektr energiyasi eksportini amalga oshirishning eng muhim shartlaridan biri Qozog‘istonning ichki ehtiyojini ta’minlash hisoblanadi.
Ekspertning Sputnik O‘zbekistonga ma’lum qilgan fikriga ko‘ra, bunday kelishuvga birinchi navbatda elektr energiyasi iste’molining o‘sishi turtki bo‘lgan. Bu O‘zbekistonning iqtisodiy o‘sishi bilan bog‘liq bo‘lishi mumkin. Iste’molchilar soni ortib bormoqda va yangi korxonalar barpo etilmoqda.
Boshqa tomondan esa O‘zbekistonning ko‘plab issiqlik elektr markazlarida ekspluatatsiya muddati uzoq bo‘lgan eskirgan uskunalardan foydalanish mumkin. Bu o‘z o‘rnida talab ortib borayotgan elektr energiyasini almashtirish ehtiyojini yuzaga keltiradi.
Yelistratov Qozog‘iston mahalliy ishlab chiqaruvchilar uchun raqobatbardosh bo‘lishi mumkin bo‘lgan narxda elektr energiyasini taklif qilishi mumkinligini istisno qilmadi. Bu bilan ularni korxonalar samaradorligini oshirish bilan shug‘ullanishga undaydi.
Eskpert hozirda O‘zbekistonda AES qurilishi jadallik bilan davom ettirilayotganini eslatib o‘tdi. Ushbu loyiha elektr energiyasiga bo‘lgan ehtiyojlarning katta qismini qoplaydi.
Biroq shuni unutmaslik lozimki, O‘zbekiston juda katta hududga ega bo‘lgan mamlakatdir va uning uzoq hududlariga elektr energiyasini yetkazib berish uchun qo‘shni Qozog‘istondan sotib olish foydali va osonroqdir.
