TOShKENT, 10-iyul – Sputnik. Kaspersky Lab kompaniyasi FinSpy josus dasturining yangi versiyasini aniqladi. U mobil telefonda deyarli barcha foydalanuvchilar harakatlari, xususan himoyalangan messendjerlardagi oddiy va maxfiy chatlarda yozishmalarni kuzatishi mumkin.
“Endi bu dastur Telegram, WhatsApp, Signal va Threema messendjerlardan ma’lumotlarni yig‘ishi mumkin”, - deyilgan kompaniya xabarida.
FinSpy ko‘pincha josuslik maqsadlarda foydalaniladi. Bu dastur smartfon yoki planshetda foydalanuvchi haqida, jumladan uning aloqalari, SMS xabarlari, GPS joylashuvi, foto-suratlar, saqlangan fayllar, tovushli xabarlar singari turli ma’lumotlarni yig‘ishi mumkin.
Mutaxassislar ma’lum qilishicha, har bir dastur aniq bir odam yoki guruhga moslashtirilishi mumkin.
FinSpy mualliflari yangi himoyalanish usullarni diqqat bilan kuzatib borib, dasturga tezkorlik bilan o‘zgartirish kiritishmoqda.
FinSpy dasturi tuzog‘iga tushib qolmaslik uchun uchun Kaspersky Lab mutaxassislari mobil qurilmalarni bloklanmagan holda tashlab ketmaslik, hech kimga parolni aytmaylik, faqat rasmiy do‘konlardan dasturlarni yuklash, noma’lum raqamlardan yuborilgan shubhali manzillarga o‘tmaslik, muntazam ravishda noma’lum dasturlar paydo bo‘lib qolganini tekshirib borish, agar topilgan taqdirda ularni zudlik bilan o‘chirib tashlashni tavsiya qiladi.
