TOSHKENT, 28 iyun — Sputnik. “Oʻzbekneftgaz” AJ boshqaruv raisi Bahodir Siddiqov mamlakatga benzin, jumladan, Qozogʻistondan import qilinishi haqidagi xabarlarga izoh berdi. Uning soʻzlarniga koʻra, oʻzbek bozori bugungi kunda barcha sheriklari uchun ochiq, lekin shaxsiy manfaatlar ham inobatga olinadi, deb xabar qilmoqda Sputnik Oʻzbekiston muxbiri.
Jurnalistlarning “mamlakatda benzin bilan bogʻliq vaziyat qanday va nima sababdan Oʻzbekiston yoqilgʻini Rossiya yoki Qozogʻistondan sotib olishga majbur boʻlmoqda”, degan savollariga javob berayotib, asosiy maqsad – odamlarga tanlash imkoniyatini yaratib, mahalliy bozorni yetarli darajada sifatli yoqilgʻi bilan taʼminlash ekanini qayd etdi.
Uning soʻzlariga koʻra, umuman olganda Oʻzbekiston sheriklari uchun neft mahsulotlari bozorini ochish boʻyicha choralar koʻrmoqda. Mamlakatda allaqachon yuqori sifatli yoqilgʻi yetkazib berayotgan “Lukoyl”ning shoxobchasi faoliyat yuritadi, kelajakda "Tatneft” kompaniyasining shoxobchalari faoliyat yuritishni boshlaydi.
“Shuningdek, Qozogʻiston va Xitoy avtomobil yoqilgʻi quyish shoxobchalari bilan hamkorlikni yoʻlga qoʻyish rejalarimiz bor. Qozogʻistondan benzin sotib olish haqidagi xabarlar ilgari erishilgan kelishuvlar natijasi. Buxoro neftni qayta ishlash zavodiga neftni import qilib, uni u yerda qayta ishlab, xususiy mahsulot olish ustuvor vazifalarimizdan sanaladi. Agar qozoq benzini bizda mavjud boʻlgan narxlar bilan raqobatlasha olsa, bu yerda hech qanday muammo boʻlmaydi”, - deya izoh berdi Siddiqov.
U soʻnggi ikki yil ichida mamlakat benzin bozorida vaziyat ancha yaxshilangani va hozirda AYOQShda navbatlar amalda yoʻqolgani va yoqilgʻi taqchilligi yoʻqligini qoʻshimcha qildi.
Qozogʻiston iyul oyidan YEOII, xususan, Qirgʻiziston va Belarusga benzin import qilishni rejalashtirgan. Bundan tashqari, Tojikiston va Oʻzbekiston bilan muzokaralar olib bormoqda.
