TOSHKENT, 28 iyun – Sputnik. Ichki ishlar vazirligi Denov tumanidayuz bergan YTH haqida xabar qildi.
Xabarda aytilishicha, Surxondaryo viloyatining Denov tumanida 27 iyun kuni soat 22.30larda nomaʼlum haydovchi aniqlanmagan avtomashinani Qiziljar mahallasi hududida haydab ketayotib, piyoda Oʻrikzor mahallasida yashagan 41 yoshli Rustam Valiyevni urib yuborib voqea joyidan ketib qolgan.
Natijada piyoda R.Valiyev jarohat olib voqea joyida vafot etgan. Ushbu yoʻl-transport hodisasini sodir etgan nomaʼlum haydovchini aniqlash va ushlash choralari koʻrilgan.
Mazkur holat yuzasidan dastlabki tergovoldi harakatlari olib borilmoqda.
