TOSHKENT, 28 iyun – Sputnik. Gidrometeorologiya xizmati markazidan maʼlum qilinishicha, 30 iyun — 2 iyul kunlari Oʻzbekiston hududiga Erondan Turkmaniston orqali issiq va quruq havo oqimining kirib kelishi kuzatiladi.
30 iyun - 1 iyul kunlari Qoraqalpogʻiston va Xorazmda, 1 - 2 iyul kunlari qolgan hududlarda havo harorati koʻp yillik oʻrtacha koʻrsatkichdan 5 - 7 daraja yuqori boʻladi.
Kunduz kunlari havo harorati 40 - 43 daraja, janubiy choʻl hududlarda 44 - 45 darajagacha koʻtariladi.
Buxoro, Navoiy, Qashqadaryo va Surxondaryo viloyatlarida garmsel ehtimoli mavjud.
