Rossiya prezidenti Vladimir Putin va AQSh prezidenti Donald Trampning Osaka shahrida (Yaponiya) bo‘lib o‘tayotgan G20 sammiti doirasida o‘tkazilgan uchrashuvi yakunlandi.
Muzokaralar boshlanishidan avval jurnalistlar Amerika yetakchisidan Putindan AQShda 2020-yilda bo‘lib o‘tadigan saylovlarga aralashmaslikka chaqirishini so‘rashgan. Tramp ularning iltimosini bajargan.
“Albatta, aytaman. Iltimos, saylovlarga aralashmang. Saylovlarga aralashmang”, - deya tabassum bilan murojaat qilgan Tramp.
Uning bu so‘zlaridan so‘ng barcha jilmayib qo‘ygan.
