TOShKENT, 20-iyun – Sputnik. Bugun, 20-iyun kuni Xitoy raisi Si Szinpin rafiqasi Pen Liyuan bilan birgalikda birinchi bor KXDRga davlat tashrifini amalga oshirish maqsadida Pekinni tark etdi.
Odatda Xitoyga poyezdda keladigan Shimoliy koreyalik hamkasbi Kim Chen Indan farqli o‘laroq Si Szinpin KXDRga samolyotga bormoqda.
Xitoy rahbariga mamlakat tashqi ishlar vaziri Van I, Markraziy qo‘mita kanselyariya rahbari Din Suesan, Markaziy qo‘mita siyosiy byro a’zosi Yan Szechi hamrohlik qilmoqda.
Si Szinpinning Shimoliy Koreyaga tashrifi ikki mamlakat o‘rtasida diplomatik aloqalar o‘rnatilganligining 70-yilligi munosabati bilan amalga oshirilmoqda.
Bu Xitoy rahbarining so‘nggi 14-yil ichida davlat tashrifi bilan KXDRga birinchi bor borishi.
Si Szinpin 2008-yilda Shimoliy Koreyaga tashrif buyurgan. U vaqtda u bosh vazir o‘rinbosari lavozimida bo‘lgan. 2005-yilda Shimoliy Koreyaga Xitoy yetakchisi Xu Szintao tashrif buyurgan.
