TOShKENT, 15-iyun — Sputnik. Fransiyaning "B-Tween" produserlik kompaniyasi film suratga olish maqsadida O‘zbekistonga keladi. Bu haqda Sputnik O‘zbekiston muxbiriga tashkilotchilar xabar berdi.
Hujjatli film O‘zbekistonning madaniy, pazandalik va tarixiy an’analariga bag‘ishlanadi. Film syomkasi ishlarida taniqli fransuz akteri Jerar Depardye qatnashadi. Ushbu loyiha "Uzbekistan Airways" MAK va O‘zbekiston turizmni rivojlantirish davlat qo‘mitasi ko‘magida amalga oshirilmoqda.
"Ipak yo‘li" deb nomlangan filmda mashhur aktor O‘zbekiston bo‘ylab sayohat qiladi. Loyiha rejasiga ko‘ra, u Toshkent, Samarqand va Buxoroni ziyorat qiladi.
Xabarda aytilishicha, ushbu film O‘zbekistonning yorqin tashrif qog‘oziga aylanishi kutilmoqda.
