TOShKENT, 7-iyun – Sputnik. Harbiy ekspert Yuriy Knutov ta’kidlashicha, modernizatsiya qilingan Tu-22M3M bombardimonchi samolyoti Amerika harbiy dengiz kuchlari uchun “yoqimsiz surpriz” bo‘ladi.
Mutaxassisning so‘zlariga ko‘ra, Mudofaa vazirligining aerodrom va harbiy bazalarni takomillashtirish dasturiga muvofiq yaqin yillarda Tu-22M3M samolyotini qo‘llash jo‘g‘rofiyasi kengayadi.
O‘tgan yili Qrimdagi Belbek aerodromida yangi o‘chish-qo‘nish chizig‘ini qurish ishlari yakunlandi.
Knutovning fikriga ko‘ra, Tu-22M3M samolyotini Qrimda bo‘lishi juda muhim.
“Amerika esminslari muntazam ravishda Qora dengizga kiradi. Agar vaziyat keskinlashsa, yarim orolda bombardimonchi samolyotlarining mavjud bo‘lishi AQSh harbiy dengiz kuchlari uchun yoqimsiz surpriz bo‘ladi”, - deb ta’kidladi harbiy mutaxassis.
O‘tgan yili modernizatsiya qilingan bombardimonchi raketa tashuvchi Tu-22M3M Qozonda namoyish qilindi. Keyinchalik yerda o‘rganish va parvoz sinovlari uchun topshirildi.
Umumiy avia qurilish korporatsiyasi prezidentining so‘zlariga ko‘ra, 2021-yilda Rossiya harbiy kosmik kuchlari bu samolyotni foydalanish uchun oladi.
