Yunusobodda neksiya ikki o‘smirning o‘limiga sabab bo‘ldi

TOShKENT, 5-iyun - Sputnik. Feysbukdagi Potrebitel.uz guruhi foydalanuvchisi Mixail Axperjanyans qoldirgan xabarga ko‘ra, kecha 4-iyun kuni Yunusobodning 11 kvartalida ayol kishi boshqaruvida bo‘lgan Neksiya avtomobili ko‘p qavatli uylar hovlisidagi skameykada o‘tirgan 3 nafar o‘smirlarni daraxtga siqib qo‘ygan.

YTH oqibatida 12 yoshli bola voqea joyida vafot etgan, yana bir o‘smir jonlantirish bo‘limida vafot etgan. Xabarda aytilishiga ko‘ra, o‘smirlar hovli ichidagi skameykada o‘tirishgan bo‘lgan. Yo‘lning avtomobillar harakatlanadigan qismida emas.

Xabarda aytilishiga ko‘ra, ushbu voqeaga juda ko‘p kishi guvoh bo‘lgan, shuningdek avtomobil ichida videoqayd kamerasi ham o‘rnatilgan bo‘lib, uning xotira kartochkasini ichki ishlar xodimlari olib ketishgan.

IIBB xabariga ko‘ra, o‘tgan haftada Toshkent yo‘llarida 21 116 marta Yo‘l harakati qoidalari buzilgan. Shundan 3 420 tasi – qo‘pol qoidabuzarliklardir. Ular orasida spirtli ichimliklar ichib avtomobilni boshqarish holatlari - 24-martaba, qizil chiroqqa bo‘y sunmaslik - 192-marta, YHXX xodimi talablariga bo‘y so‘nmaslik - 34 marotaba, soxta davlat raqamlari - 4 marotaba, piyodalar yo‘laklarida harakatlanish - 188 marotaba qayd etilgan.