TOShKENT, 30-may – Sputnik. Bosh prokuraturasi Andijon viloyatida MIB xodimiga qarshilik ko‘rsatish holati yuzasidan xabar qildi.
Xabarda aytilishicha, 10.05.2019 yil soat 18:30 larda Majburiy ijro burosi Shahrixon tuman bo‘limi davlat inspektorlari D.E. va I.U. xizmat vazifalarini bajarib, tumandagi “Saroy” mahallasida yashovchi S.B.ning xonadoni gaz hisoblagichi uskunasi ko‘rsatkichlarini xatlov dalolatnomasiga tushirayotgan vaqtda, S.B. (1975 y.t.) mast holatda, davlat inspektorlarining qonuniy faoliyatiga faol qarshilik ko‘rsatib, ularni chiqib ketishlarini qat’iy talab qilib, davlat inspektori I.U.ni (1988 y.t.) boshiga urib, tan jarohati yetkazgan.
Ushbu holat yuzasidan tuman prokuraturasi tomonidan S.B.ga nisbatan O‘zbekiston Respublikasi Jinoyat kodeksining 219-moddasi 1-qismi bilan jinoyat ishi qo‘zg‘atilgan.
