TOShKENT, 23-may – Sputnik. “RAVON Racing Team” 19-20 may kunlari Bogordsk shahri yaqinida joylashgan “Nijniy Novgorod halqasi” poyga yo‘lida bo‘lib o‘tgan Rossiya Halqa chempionatining navbatdagi bosqichida g‘alaba qozondi, deb xabar qilmoqda Sputnik muxbiri.
Poygada maxsus tayyorlangan ikkita Ravon Nexia R3 avtomobillari ishtirok etdi. Yangi avtomobil va oldin katta muvaffaqiyatlarga erishmagan poygachining ushbu g‘alabasi haqiqiy sensatsiya bo‘ldi, desak mubolag‘a bo‘lmaydi. Axir uning raqiblari o‘ta kuchli jamoalar edi-da: “Akademiya ralli”, “S-logistik”, “Suvar motorsport”.
Ushbu g‘alabaning e’tiborli tomoni shundaki, poygaga endi kirib kelgan yangi jamoa va mashhur bo‘lmagan poygachi - Yefim Gantmaxer “Turing layt” klassining yetakchisi, tajribali poygachi, 5 marotaba Rossiya chempioni - Vladimir Cherevandan g‘alabani yulib oldi. Buni jamoaning qisqa vaqt ichidi erishilgan katta yutug‘i deb e’tirof etish mumkin.
“RAVON Racing Team” avtomobillarini Samara shahrida joylashgan “TEAM80 Motorsport Engineering” injenerlari tomonidan tayyorlandi. Erishilgan natijalar avtomobillar juda yaxshi tayyorlanganini namoyish qildi.
Poyga qanday o‘tganini quyida tomosha qilishingiz mumkin.
