TOShKENT, 20-may – Sputnik. Davlat bojxona qo‘mitasi matbuot xizmati Toshkentda simobni sotishga uringan shaxslar ushlangani haqida xabar qildi.
Xabarda aytilishicha, Toshkentning Chilonzor va Sergeli tumanlarida tezkor tadbir o‘tkazildi.
“Chilonzor tumani hududida fuqaro B.A. fuqaro A.Sh.ga 12 kilogramm simobni 12 ming AQSh dollarga pullashga kelishib, shundan 7000 AQSh dollarini oldindan olayotgan vaqtida ashyoviy dalillar bilan qo‘lga olindi.
Shuningdek, yana bir holatda Sergeli tumanida fuqaro R.T. tomonidan shartli xaridorga 5 kilogramm simobni 5000 AQSh dollariga noqonuniy tarzda sotish rejasi chippakka chiqarildi”, - deyilgan xabarda.
Hozirda yuqoridagi holatlar yuzasidan tekshiruv ishlari olib borilmoqda.
