TOShKENT, 15-may - Sputnik. Toshkentda atom texnologiyalari bo‘yicha axborot markazi ochildi. Bu haqda “O‘zatom” matbuot xizmati xabar qildi.
Ochilish marosimida “Rosatom” davlat korporatsiyasi bosh direktori Aleksey Lixachov, O‘zbekiston Respublikasi fanlar akademiyasi prezidenti Behzod Yuldoshev, Rossiya Federatsiyasining favqulodda va muxtor elchisi Vladimir Turdenev hamda O‘zbekiston va Rossiya atom tarmoqlari vakillari, maktab o‘quvchilari ishtirok etishdi.
Ta’kidlanishicha, axborot markazi O‘zbekiston aholisi uchun har bir inson atom nima ekanligi, AES qanday ishlashi, atom texnologiyalari qaysi noenergetik sohalarda qo‘llanilishi va ko‘pgina boshqa masalalar bo‘yicha bilimga ega bo‘lishi mumkin bo‘lgan maydon bo‘ladi. Markaz ekspozitsiyasi turli yoshdagi tashrif buyuruvchilar uchun mo‘ljallangan: maktab o‘quvchilari, talabalar va yoshi kattalar.
Shuningdek, markaz maydonida olimlarning ommaviy ma’ruzalari o‘qiladi, atom tarmog‘i mutaxassislari bilan uchrashuvlar va shu bilan bog‘liq turli tadbirlar tashkil etiladi.
O‘tgan yilning kuz oyida Rossiya va O‘zbekiston hukumatlari rahbarlari Dmitriy Medvedev va Abdulla Aripov respublika hududida AES qurilishi bo‘yicha hamkorlik qilish to‘g‘risida bitim imzolashdi. “Rosatom” VVER-1200 reaktorli qurilma “3+” avlodiga tegishli ikkita energoblokdan iborat bo‘lgan majmua barpo qilishni rejalashtirilmoqda.
