Tinchlik muammolari bo‘yicha Stokgolm xalqaro tadqiqotlar instituti (SIPRI) harbiy xarajatlari eng yirik mamlakatlar reytingini e’lon qildi. 2018-yili jahon harbiy xarajatlari 1,8 trillion dollarni tashkil etdi. Ushbu ko‘rsatgich 2017-yilga qaraganda 2,6 foizga ko‘proq.
Hisobotga ko‘ra, AQSh 2018-yilda harbiy maqsadlar uchun eng ko‘p mablag‘ sarflagan mamlakatlar yetakchisiga aylandi. 2010-yildan buyon ilk marotaba AQSh xarajatlari 4,6 foizga o‘sib, 649 milliard dollarni tashkil etdi.
Rossiya ilk bor birinchi yetakchi beshtalikka kiritilmadi. SIPRI ma’lumotlariga ko‘ra, 2018-yilda Rossiyaning harbiy xarajatlari 61,4 milliardni tashkil etgan. Bu etgan yilga qaraganda 3,5 foizga kam. Shu tariqa Rossiya reytingning 6-pog‘onasidan o‘rin olgan.
“Rossiyaga qarshi olib borilayotgan axborot urushini inobatga olish kerak. Ular hatto dalillar borasida o‘ylab ko‘rishmaydi. Ularni asosiy masala tashvishga soladi: Rossiyani axborot makonida ayblash va jazolash kerak. Mana hozir ham ko‘rinib turibdiki, butun dunyo bo‘ylab qurollanish xarajatlari o‘sib bormoqda. Rossiya yetakchi emas, biroq bu hech kimni tashvishga solmaydi. Asosiysi – hammaga Rossiya “agressor” deb jar solish va soliq to‘lovchilar hisobidan qurollanishga bujetning ko‘proq mablag‘iga ega chiqish. Bugungi kunda AQSh va NATOga a’zo davlatlar xuddi shunday qilib kelishmoqda”, - dedi Andrey Koshkin Sputnik radio efirida.
Uning fikriga ko‘ra, amerikaliklar harbiy xarajatlar reytingida yetakchi ekanligi ularni hayron qoldirmaydi.
Ekspertning to‘liq izohini Sputnik radiopodkastida rus tilida tinglashingiz mumkin.
