TOShKENT, 10 apr - Sputnik. O‘zbekiston Mudofaa vazirligi ayol va qizlar o‘rtasida shartnoma bo‘yicha haqiqiy harbiy xizmatga nomzodlarni saralash uchun tanlov e’lon qiladi. Bu haqda vazirlik matbuot xizmati xabar qilmoqda.
Nomzodlarga qo‘yilgan asosiy talablar: oliy yoki o‘rta maxsus tibbiy ma’lumotga egaligi to‘g‘risida diplomga ega bo‘lishi; bo‘yi 170 santimetrdan kam bo‘lmagan, 18—22 yoshgacha (oliy ma’lumotli tor tibbiy mutaxassislar uchun 28 yoshgacha) bo‘lishi;
Shuningdek, jismoniy kuch talab qiluvchi sport turlari bo‘yicha razradga ega bo‘lganlarga talab alohida ekanligi ta’kidlangan.
Murojaatlar 2019-yilning 20-aprel kuniga qadar qabul qilinadi, deyiladi xabarda.
