TOShKENT, 2 apr — Sputnik. Sankt-Peterburgdagi Mojayskiy nomidagi Harbiy-kosmik akademiya binosida portlash sodir bo‘ldi. Bu haqda RIA Novosti xabar bermoqda.
Mintaqaning favqulodda xizmat vakilining ma’lum qilishicha, to‘rt nafar kursant jarohatlangan.
“78” mahalliy telekanal xabariga qaraganda, portlash oqibatida zinapoya o‘rtasidagi bo‘shliq qulab tushgan, 3-qavatda 15 kishi qolib ketgan.
V akademii imeni Mojayskogo vzriv proizoshol na patom fakultete. V rezultate obrushilsya lestnichniy prolot, na tretyem etaje seychas zablokirovani 15 chelovek. pic.twitter.com/Wv7Ww9EZao
— 78 | NOVOSTI (@good78news) 2 aprelya 2019 g.
Dastlabki xabarlarga ko‘ra, mina ishga tushgan. Hozircha portlashning aniq sababi ma’lum emas.
Hodisa joyiga huquqni muhofaza qiluvchi organ xodimlari tekshiruv ishlari olib borishmoqda. Shuningdek, Rossiya Tergov qo‘mitasi va Federal xavfsizlik xizmati vakillari yetib kelishdi. Hozirda portlash sababini aniqlash borasida ish olib borilmoqda.
A.F. Mojayskiy nomidagi Harbiy-kosmik akademiya – Rossiyaning yirik harbiy oliygohlaridan biri. Akademiyada Harbiy-kosmik kuchlari va turli Harbiy kuchlar hamda ijro etuvchi hokimiyat federal organlari ofitserlari tayyorlanadi.
