TOShKENT, 19 mar – Sputnik. Toshkentdagi Amir Temur xiyobonidaga aylanma yo‘lda eksperiment tariqasida qizil-oq piyodalar yo‘lagi paydo bo‘ldi, deb xabar qilmoqda IIBB matbuot xizmati.
Xabarda aytilishiga ko‘ra, ushbu yo‘lak Toshkent shahar hokimligi tomonidan taklif qilingan Slovakiya mutaxassislari tomonidan eksperiment tariqasida barpo etilgan.
Yevropa mamlakatlari tajribasiga ko‘ra, oq yoki sariq chiziqlar bilan chizilgan piyodalar o‘tish yo‘lagi qorong‘u vaqtida yo‘l harakatining barcha ishtirokchilariga yaxshi ko‘rinmasligi mumkin. Qizil-oq ranglar esa haydovchilarga ham piyodalarga ham yaxshi ko‘rinadi, - deyilgan xabarda.
