TOShKENT, 2 mar — Sputnik. Amerikaning Texas shtatidan bo‘lgan ayolni u muz ustida kamera qarshisida suratga tushganidan keyin, zudlik bilan qutqarishga to‘g‘ri keldi
A grandmother was washed out into the Icelandic sea while posing for photos on an “Iceberg Throne” when a large wave dislodged the chunk of ice, sending it drifting away from shore.
— Veritas (@Veritas_83) March 1, 2019
Earlier this week, Catherine Streng received several text messages... https://t.co/E62s5bXQyq
Hodisa 77 yashar Judit Strengning Islandiyaga sayohati vaqtida yuz berdi. Ayol o‘g‘li bilan dengizning marjon orollari bilan o‘ralgan qirg‘oq qismiga yaqin joyda sayr qilib yurgan edi.
Juditning so‘zlariga ko‘ra, u hamisha o‘zini qirolicha his qilishni xohlagan. Sayr davomida ayol ko‘rinishi taxtni eslatuvchi muz bo‘lagini ko‘rib qolgan, darhol uning ustiga chiqib, o‘g‘lidan o‘zini suratga olib qo‘yishni so‘ragan. Fotosessiya vaqtida muz bo‘lagi dengiz to‘lqini ostida qolgan va u Judit bilan birga ochiq dengizga suzib ketgan.
Ayolni baxtli tasodif tufayli o‘sha yerdan o‘tib ketayotgan notanish yo‘lovchi qutqarib qolgan. Keyinchalik erkakning kema kapitani ekani aniqlangan. Kapitan sovuqdan "dir-dir" qaltirayotgan "fotomodel"ni suvdan chiqarib, qirg‘oqqa qaytargan.
Juditning o‘g‘li onasi suratlarini kenja qiziga yuborgan, qizaloq keyinchalik bu suratlarni ijtimoiy tarmoqqa joylagan. Nabirasi tufayli "qirolicha" buvining suratlari internetda yashin tezligida tarqalib ketgan.
