TOShKENT, 22 yanv - Sputnik. Qoraqalpog‘istonning xo‘jayli tumanida erkak rashq oqibatida ham o‘ziga ham rafiqasiga pichoq urdi, deb xabar qildi O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.
"2019 yil 21-yanvar kuni Qoraqalpog‘iston Respublikasining Xo‘jayli tumanida yashovchi T.T. uyida rashq tufayli birga yashovchi rafiqasi G.M.ni, so‘ng o‘zini ham pichoq urib jarohatladi", - deyiladi xabarda.
Natijada er-xotin tan jarohati bilan kasalxonaga yotqizilgan.
Holat yuzasidan jinoyat ishi qo‘zg‘atilib, tergov harakatlari olib borilmoqda.
Statistik ma’lumotlarga ko‘ra, oiladagi qotilliklarning aksariyati aynan rashk tufayli sodir etiladi.
