Mirziyoyev va Merkel uchrashuvi: O‘zbekiston va Germaniya 8 milliard yevrolik kelishuvga erishdi

© AFP 2023 / TOBIAS SCHWARZShavkat Mirziyoyev i Angela Merkel
Shavkat Mirziyoyev i Angela Merkel - Sputnik O‘zbekiston
Obuna bo‘lish
Muzokaralarda siyosat, xavfsizlik, savdo, texnologiya, innovatsiya, investitsiya va madaniy-gumanitar sohalardagi hamkorlikning holati va istiqbollari muhokama etilishi ma’lum qilindi.

TOShKENT, 21 yanv – Sputnik. O‘zbekiston Respublikasi prezidenti Shavkat Mirziyoyev va Germaniya Federal kansleri Angela Merkelning muzokaralari oldidan ommaviy axborot vositalari vakillari uchun brifing o‘tkazildi, deb xabar qildi prezident matbuot xizmati.

Nachalis peregovori Prezidentov Uzbekistana i Germanii  - Sputnik O‘zbekiston
Shavkat Mirziyoyev Germaniya prezidenti bilan uchrashdi

Angela Merkel O‘zbekiston Prezidentining tashrifi uzoq tanaffusdan keyingi muhim tashrif ekani, ikki tomonlama hamkorlik rivojiga katta turtki berishini ta’kidladi. 

“Biz O‘zbekistonning ishonchli sherigi bo‘lishni xohlaymiz. Mamlakatlarimiz o‘rtasidagi aloqalarni kengaytirish uchun ko‘plab imkoniyatlar borligini ko‘rmoqdamiz,” - dedi Germaniya kansleri.  

Shavkat Mirziyoyev O‘zbekiston delegatsiyasiga ko‘rsatilayotgan yuksak hurmat uchun chuqur minnatdorlik bildirib, germaniyaliklarni joriy yil may oyida nishonlanadigan Germaniya Federativ Respublikasi tashkil etiganining 70-yilligi bilan tabrikladi. 

Tomonlar so‘nggi yillarda ikki tomonlama aloqalar jadal rivojlanib, yangi mazmun bilan boyib borayotgani, siyosiy muloqotlar faollashayotganini mamnuniyat bilan qayd etdi. 

Prezident O‘zbekiston Germaniya bilan aloqalarni sifat jihatidan yangi, yanada yuqori bosqichga olib chiqishga intilishini alohida ta’kidladi. 

Muzokaralarda siyosat, xavfsizlik, savdo, texnologiya, innovatsiya, investitsiya va madaniy-gumanitar sohalardagi hamkorlikning holati va istiqbollari muhokama etilishi ma’lum qilindi. 

Tomonlar Birlashgan Millatlar Tashkiloti, Yevropada xavfsizlik va hamkorlik tashkiloti va boshqa xalqaro tuzilmalar doirasida yanada yaqindan hamkorlik qilishdan manfaatdor ekani qayd etildi. 

Yevropa Ittifoqining Markaziy Osiyo bo‘yicha yangi strategiyasi asosida ikki tomonlama munosabatlar mustahkamlanishi ta’kidlandi. 

Uchrashuvda zamonaviy tahdid va xatarlar, avvalo terrorizm va ekstremizmga qarshi kurashish bo‘yicha hamkorlikni kuchaytirishga alohida e’tibor qaratilishi aytib o‘tildi. Afg‘onistonda tinchlik jarayonini tez fursatda boshlash ham kun tartibidagi muhim masalalardan ekani qayd etildi. 

Prezident Uzbekistana vstretilsya s sootechestvennikami v Germanii - Sputnik O‘zbekiston
Shavkat Mirziyoyev Germaniyada yashaydigan o‘zbekistonlik yoshlar bilan uchrashdi

O‘zbekiston inson huquqlari va erkinliklari sohasida konstruktiv muloqot, shuningdek, davlat boshqaruvi tizimining shaffofligiga hamda korrupsiyaga to‘liq barham berilishiga erishish maqsadida hamkorlik uchun ochiq ekani ta’kidlandi. 

Tomonlar investitsiya va texnologiyalar sohasidagi hamkorlikni kengaytirishga tayyor ekanini bildirdi. O‘zbekiston prezidenti tashrifi arafasida o‘tkazilgan biznes-forumda 8 milliard yevrodan ziyod qiymatdagi yangi loyihalarini amalga oshirish bo‘yicha kelishuvlarga erishilgani, boshqa bitimlar bo‘yicha ishlar davom etayotgani ma’lum qilindi.  

Shuningdek, nemis tili chuqurlashtirilgan holda o‘qitiladigan maktablar tarmog‘ini kengaytirish, Germaniyaning yetakchi oliy ta’lim muassasalari bilan aloqalarni rivojlantirish borasidagi hamkorlik uchun ulkan salohiyat mavjudligi ta’kidlandi.

Yangiliklar lentasi
0