Hindistondagi milliy bog‘da sayyoh qiz makaki urg‘ochisi o‘z bolasining o‘limiga ishonmay, uni ovqatlantirishga urinayotgan sahnani tasvirga tushirdi.
Maymun bolasi 50 darajali issiqdan vafot etadi. Videoda dardu-hasratga to‘la ona o‘z farzandiga termulib turgani aks etgan. Ona maymun zurriyodini bir bag‘riga bosada, bir yuzlarini siypalab, ko‘zlariga termuladi. So‘ngra maymuncha jasadini qo‘lida ko‘tarib yuradi va agar yiqitib qo‘ysa, darhol yerdan ko‘tarib oladi.
Qaysidir payt g‘ussaga cho‘kkan urg‘ochi maymun oldiga erkagi kelib, uni silaydi. O‘z harakatlari bilan ayoliga tasalli berayotganini fahmlash qiyin emas.
Bu haqda videoni tasvirga olgan Archna Singx hikoya qiladi.
“Men tasvirga olayotganimda ko‘z yoshlarimni to‘xtata olmadim. Har bir ona uchun farzandini yo‘qotish – bu katta musibat. Bu hayvonlar ham biz kabi hissiyotga beriluvchan ekanligiga yana bir bor ishonch hosil qildim”, - deb yozadi u.
