TOShKENT, 30 noya — Sputnik. O‘zbekistondagi RF elchixonasi Toshkentning "Darxon-3" mahallasida qurilish ishlari tufayli joyidan olib qo‘yilgan Ulug‘ vatan urushi qahramonlariga qo‘yilgan yodgorlik bilan bog‘liq voqeadan qattiq tashvishdaligini bildirdi. Diplomatik missiya Sputnik O‘zbekiston nashriga O‘zbekiston poytaxti hokimligiga tegishli maktubni yo‘llaganini ma’lum qildi.
Rossiyaning O‘zbekistondagi Favqulodda va muxtor elchisi Vladimir Turdenev fikricha, Ulug‘ Vatan urushi qahramonlari xotirasi sharafiga qo‘yilgan yodgorlikni joyidan qo‘zhatmaslik ham mumkin edi, qurilish ishlariga monument halal bermagan.
"Mening qarorgohim shaharning mana shu hududida joylashgan va men bu aksiyaning tirik guvohiman. Mening nazarimda u O‘zbekiston Respublikasi rahbariyati tomonidan Ulug‘ Vatan urushi yillarida o‘zbekistonliklarning jangovar va mehnat qahramonliklari xotirasini saqlab qolish bo‘yicha olib borilayotgan siyosatga zid", - deya izoh berdi elchi.
Ushbu munosabat bilan Rossiya diplomatik missiyasi rahbari Toshkent hukumatini yuz kelgan vaziyatga oydinlik kiritish va monumentni qayta tiklash bo‘yicha choralar ko‘rishga chaqirmoqda.
