TOShKENT, 21 noya - Sputnik. Tojikistonning Xatlon viloyatida xorijlik sayyohlarga nisbatan terakt uyushtirgan Huseyn Abdusamadov umrbod qamoq jazosiga mahkum etildi, deb xabar qildi Sputnik Tojikiston.
Sudda mahkum terakt tashkillashtirish aybiga iqror bo‘lgan, lekin qilgan ishidan pushaymon bo‘lmagan. Uning sheriklari Karomatullo G‘aniyev va Butan Safoyevga 16-yil qamoq jazosi belgilangan.
Eslatib o‘tamiz, joriy yilning iyul oyida Tojikistoning Xatlon viloyati Dang‘ara tumani Sebiston jamoati hududida to‘rt nafar chet ellik velosipedchi sayyohlar qurollangan hujum oqibatida halok bo‘lgan edi. Ularning ikki nafari AQSh va biri Niderland va yana biri Shveysariya fuqarosi bo‘lgan. Hujumda yana uch nafar sayyoh jarohatlangan.
Tojikiston hududida amalga oshirilgan ushbu hujum uchun javobgarlikni "Islomiy davlat" terrorchilik tashkiloti o‘z zimmasiga olgan edi.
