TOShKENT, 21 noya — Sputnik. BMT Bosh kotibining o‘rinbosari Maykl Moller Inson huquqlari bo‘yicha Osiyo forumida ishtirok etish uchun O‘zbekistonga tashrif buyurdi, deb xabar qilmoqda TIV matbuot xizmati.
O‘zbekiston Tashqi ishlar vazirining birinchi o‘rinbosari Ilhomjon Ne’matov va BMT Bosh kotibining o‘rinbosari Maykl Moller O‘zbekistonning Markaziy Osiyoda amalga oshirayotgan tashqi siyosati jihatlarini muhokama qilishdi.
BMT vakili O‘zbekiston olib borayotgan mintaqaviy siyosatni, respublikaning qo‘shni davlatlar bilan siyosiy, savdo-iqtisodiy, transport-kommunikatsiya va madaniy-gumanitar aloqalarni rivojlantirish uchun qaratayotgan alohida e’tiborini qullab-quvvatlashini bildirgan.
“Zamonaviy dunyoda intilish kerak bo‘lgan va eng sezilarli natija beradigan ayni standart mana shudir”, – deyilgan xabarda.
Uchrashuv davomida bo‘lajak qo‘shma tadbirlarni o‘tkazishning amaliy jihatlari ham ko‘rib chiqilgan. BMT vakili 22-23 noyabr kunlari Samarqand shahrida o‘z ishini boshlaydigan Inson huquqlari bo‘yicha Osiyo forumida ishtirok etadi.
