TOShKENT, 6 noya - Sputnik. Farg‘ona viloyatidagi xonadonlardan birida sodir bo‘lgan yong‘indan so‘ng uy egasining jasadi topildi, deb xabar qilmoqda IIV matbuot xizmati.
“2018 yil 5-noyabr kuni Farg‘ona viloyatining Dang‘ara tumanida yashagan A.D.ning uyida yong‘in sodir bo‘lgan. Ko‘rilgan choralar natijasida yong‘in o‘chirilgan. Yong‘in natijasida uyning 2 kv.m. maydonda pol qismi hamda uy egasining kuygan holdagi jasadi topilgan. Yong‘in kelib chiqish sababi va moddiy zarar miqdori aniqlanmoqda. Surishtiruv ishlari olib borilmoqda”, - deyilgan O‘zbekiston IIV matbuot xizmatida.
Ayni damda Farg‘ona viloyati huquqni muhofaza qiluvchi organlari fuqaro o‘limi yuzasidan tekshiruvlar olib bormoqda.
