TOShKENT, 30 okt - Sputnik. 2019 yilda O‘zbekiston Respublikasining Surxondaryo viloyatida maydoni 314 gektar bo‘lgan teplitsalar ishga tushadi. Ushbu loyihani ishga tushirish uchun “Eko-kultura” kompaniyasi sarmoyasi 472 mln dollarni tashkil qiladi, AgroInvestor portali xabariga asosan.
Shuningdek kompaniya 1000 gektar maydonda mevalar yetishtirishni rejalashtirgan: gilos, abrikos, olcha, shaftoli va boshqalar. Bu loyihaning umumiy qiymati $ 92 mln.
Rossiya kompaniyasi shuningdek meva-sabzavotlarga quritish va muzlatish kabi ishlab berishni yo‘lga qo‘yadi hamda saqlash xonalari quradi.
“Eko-kultura” tayyor mahsulotining 40 %ni Rossiyaga, 60 %ni – Xitoy, Janubiy Koreya, Yaponiya va Yevropaga eksport qilishni rejalashtirgan.
“O‘zbekistonda yaxshi investitsion iqlim: davlat tomonidan qo‘llab quvvatlash, sarmoyadorlar uchun imtiyozlar – yaxshi yo‘lga qo‘yilgan. Undan tashqari bu yerda yaxshi ob-havo sharoiti hamda arzon ish kuchi bor. Bu yerda mahsulot tan-narxi Rossiyaga qaraganda 10%ga kma bo‘ladi” , - deydi kompaniya rahbari Aleksandr Rudakov.
“Eko-kultura” – Rossiyaning eng yirik agroxoldingi bo‘lib, uning Stavropol, Krasnodar, Lipesk va Leningrad viloyatlarida 200 gektar teplitsalari bor. Kompaniya 2023-yilga qadar teplitsalar maydonini 500 gektarga yetkazishni rejalashtirgan. Kompaniya loyihalarini Rosselxozbank va Sberbank moliyalashtirmoqda.
