TOSHKENT, 28 okt - Sputnik. Rossiya Mudofaa vazirligi "Samarqand" radioelektron kurash majmualarini 13ta harbiy qismlarda, shu jumladan, Kaliningrad viloyatida ham joylashtiradi: ularning joriy taʼmiri, montaj va kam-koʻstini toʻgʻirlash uchun tender elon qilingan. Bu haqda davlat xaridlari saytida eʼlon qilingan hujjatda aytilgan.
Rossiya Federatsiyasi Mudofaa vazirligi vazirlik maʼlumotlarni uzatish tizimiga "Samarqand" REPlarining tarkibiy qismlarini ulash, montaj va chala ishlarni bitirish uchun yopiq turdagi auktsion oʻtkazilishini maʼlum qildi.
Shartnomaning boshlangʻich bahosi 61 million rublni tashkil qiladi. Majmualarni 2019 yilning 10 noyabriga qadar ekspluatatsiyaga kiritish rejalashtirilmoqda.
"Samarqand" majmualari ishi Murmansk, Kaliningrad, Nijegorodsk, Moskva viloyatlari, Krasnodar va Primorsk oʻlkalari, Yahudiy avtonom viloyati va Belorussiyadagi 13ta harbiy qismlarda taʼminlanishi koʻzda tutilgan.
