TOShKENT, 25 okt - Sputnik. Bugun Yerevanda "Top model MDH-2018" go‘zallik tanloviga start berildi.
Joriy yilda sobiq ittifoqning 16 mamlakatidan 30 nafar qizlar ishtirok etishmoqda. O‘zbekistondan ushbu tanlovda Nigina Faxriddinova, Parizoda Quvondiqova va Indira Aliyevalar qatnashmoqda.
"Tanlov maqsadi - MDH mamlakatlarini moda va kinoindustriya olamida oliy darajada munosib taqdim eta oladigan qizlarni aniqlash. Tanlov g‘olibasiga dunyoga mashhur moda uylari va produserlik markazlaridan taklifnomalar keladi", — deb xabar qilmoqda tashkilotchilar.
Tanlov yakuni 4-noyabr kuni Armanistondagi Karen Demirchan nomidagi sport-konsert majmuasida o‘tkaziladi.
G‘olib reklama agentliklari, modalar uylari va produserlik markazlaridan taklifnomalar bilan birga pul mukofotini qo‘lga kiritadi.
