TOShKENT, 21 okt — Sputnik. Rossiya AQShning Kichik va o‘rta masofa raketalar (RSMD) shartnomasidan chiqish haqidagi rejalarini qo‘llab-quvvatlamaydi, dedi Rossiya tashqi ishlar vaziri o‘rinbosari Sergey Rabkov, RIA Novosti xabariga asosan.
Rabkov aytishiga qaraganda, agar AQSh oldin kelishilgan xavfsizlik shartnomalardan bir tomonlama ravishda chiqishda davom etaversa, Rossiya ham bunga kerakli javob choralarini ko‘radi.
“Kerak bo‘lsa harbiy choralarni ham, lekin bu darajaga yetkazishni istamagan bo‘lardik”, - dedi Rabkov.
Siyosatchi fikriga ko‘ra, sisosiy tortishuvlar, ushbu xavfsizlik shartnomasidan chiqishni ro‘kach qilish yo‘li bilan hal qilishga arzimaydi. RSMD shartnomasi - bu juda jiddiy masala, dedi u.
“AQShning qo‘pol va keskin siyosati turli mamlakat va xalqaro doiralarda noroziliklarga sabab bo‘lmoqda. Vashington ushbu “kayfiyatlar o‘zgarishi”ni sezishi kerak”, - dedi siyosatchi.
Shanba kuni AQSh prezidenti Donald Tramp SSSR bilan 80-yilllarda imzolangan Kichik va o‘rta masofa raketalarni yo‘q qilish haqidagi shartnomadan chiqishi mumkinligini e’lon qilgan edi. Tramp o‘shanda Moskvani ushbu shartnomani buzishda ayblagan edi..
Kichik va o‘rta masofa raketalar (RSMD) ishlab chiqarmaslik haqidagi shartnoma AQSh va SSSR orasida 1987-yilning 8-dekabrida Mixail Gorbachev va Ronald Reygen tomonidan imzolanagan edi.
Shartnomaga ko‘ra ikki davlat ham 500, 1000, va 5500 km masofaga uchadigan raketalarni yo‘q qilishi shart edi. SSSR 1991-yilning may oyida 1752ta raketani yo‘q qildi. AQSh esa – 859ta. Shartnomaning yakunlanish muddati yo‘q, lekin bir tomon uni buzganda va ikkinchi tomon buni isbotlab berganda shartnomadan chiqishi mumkin.
