TOShKENT, 16 okt – Sputnik. Gidrometeorologiya xizmati markazi bergan ma’lumotga ko‘ra, ertaga, 17-oktabr kuni O‘zbekiston hududi bo‘ylab quyidagicha ob-havo kuzatiladi.
Toshkent shahri va Toshkent viloyatida havo harorati kechasi -1...+1, kunduzi +5...+7 daraja bo‘ladi. Shamol tezligi 7-12 m/sga yetib, yomg‘ir aralash qor yog‘adi.
Farg‘ona vodiysida havo biroz bulutli bo‘lib, kechasi 0...+5, kunduzi +5...+10 daraja bo‘lishi kutilmoqda. 5-10 m/s tezlikda shamol esib, yomg‘ir yog‘ishi va keyinroq qorga aylanishi mumkin.
Sirdaryo, Jizzax va Samarqand viloyatlarida havo harorati kechasi -2...+3, kunduzi +5...+10 daraja bo‘lib, yomg‘ir va qor yog‘adi. Shamol tezligi 5-10 m/sga yetadi.
Qoraqalpog‘iston Respublikasi, Buxoro, Navoiy, Qashqadaryo va Xorazm viloyatlarida havo harorati kechasi -2...+3, kunduzi +5...+10 daraja bo‘ladi. Shamol tezligi 3-8 m/sga yetadi va tuman tushadi.
Surxondaryo viloyatida havo harorati kechasi 0...+5, kunduzi +5...+10 darajagacha ko‘tariladi. 3-8 m/s tezlikda shamol esadi. Yog‘ingarchilik bo‘lmaydi.
Qamchiq dovoni va Chimonda kechasi -10...-5, kunduzi esa -5...0 daraja bo‘ladi. 5-10 m/s tezlikda shamol esib, qor yog‘adi.
