TOShKENT, 9 okt – Sputnik. Ayni damda Parijdagi Yelisey saroyida O‘zbekiston prezidenti Shavkat Mirziyoyevning Fransiya prezidenti Emmanuel Makron bilan uchrashuvi bo‘lib o‘tmoqda, deb xabar qilmoqda prezident matbuot xizmati.
“Muzokarada O‘zbekiston va Fransiya o‘rtasidagi siyosiy muloqotni yanada mustahkamlash, savdo-iqtisodiy va investitsiyaviy hamkorlikni rivojlantirish, madaniy-gumanitar almashuvlarni faollashtirish masalalari muhokama qilinmoqda”, - deyilgan xabarda.
Prezidentlar rasmiy uchrashuvidan Parijdagi Shon-sharaf maydonida O‘zbekiston prezidentini rasmiy kutib olish marosimi bo‘lib o‘tdi.
Oliy martabali mehmon sharafiga faxriy qorovul saf tortdi. Shavkat Mirziyoyev harbiy orkestr sadolari ostida faxriy qorovul safi oldidan o‘tdi. O‘zbekiston va Fransiya davlat madhiyalari yangradi. Marosimda mamlakatimiz delegatsiyasi a’zolari ham hozir bo‘ldi.
