TOShKENT, 4 okt - Sputnik. “Sankt-Peterburg-Urganch” reysi bilan samolyotda uchib kelgan fuqaro R.N.ning telefoni bojxona nazoratidan o‘tkazilganida telefon xotirasida 189 dona pornografik mazmundagi videolavhalar mavjudligi aniqlandi, deb xabar qildi Davlat bojxona qo‘mitasi matbuot xizmati.
Xabarda aytilishicha, “Urganch aeroporti” chegara bojxona posti orqali “Sankt-Peterburg-Urganch” reysi bilan samolyotda uchib kelgan fuqaro R.N bojxona nazoratidan o‘tishda “yashil” yo‘lakdan harakatlanib kelayotganida bojxona xodimining e’tiboriga tushdi.
Uning uyali telefoni bojxona nazoratidan o‘tkazilganida telefon apparati xotirasida 189 dona pornografik mazmundagi videolavhalar mavjudligi aniqlandi.
Hozirda mazkur holat yuzasidan tekshiruv harakatlari olib borilmoqda.
DBQ ma’lum qilishicha, Xorazm viloyati bojxonachilari tomonidan 2018-yil o‘tgan davri mobaynida 376 ta bojxona qoidabuzarlik holatlari aniqlangan bo‘lsa, shundan 197 ta holatda sal kam 18 ming dona behayo mazmundagi materiallarni respublikaga kirib kelishi oldi olindi.
