TOShKENT, 25 sen – Sputnik. Milliy matbuot markazida O‘zbekiston Markaziy banki hamda “Qishloqqurilishbank” mutaxassislar ishtirokida anjuman bo‘lib o‘tdi, deb xabar qilmoqda O‘zA.
Jurnalistlarning O‘zbekistonda pul almashishi va 100 000 so‘mlik yangi qog‘oz pul muomalaga chiqarilishi borasida berilgan savollariga mutaxassislar quyidagicha javob berishdi.
“Pulning almashishiga sabab ham ehtimol ham yo‘q. Yo‘qsa, 100 ming so‘mlik banknotlar chiqarilarmidi? Yaqinda ana shunday summadagi pul muomalaga chiqariladi. To‘g‘ri, inflyatsiya o‘sishi mumkin. Chunki bankning qayta moliyalash stavkasining ikki foizga oshirilishi, o‘z – o‘zidan bozordagi narx-navoga ta’sir qiladi”, - deyishdi mutaxassislar.
Shuningdek, xabarda ushbu yil O‘zbekistonda inflyatsiya miqdori kutilganidan ortiq bo‘lishi va narxlar o‘sishi kutilayotgani aytib o‘tildi.
Eslatib shtamiz, ayni damda O‘zbekistonda eng katta qiymatli kupura 50 ming so‘mlik bo‘lib u 2017-yilning 22-avgustida muomalaga kiritilgan.
