TOShKENT, 16 sen – Sputnik. Yagona prsessing markazi bir sutkadan ortiq vaqt davomida ishlamayotgan bo‘lsada UzCard o‘z mijozlariga bank kartalardagi pullar xavfsiz saqlanayotganini xabar qildi.
“Hurmatli karta egalari! Yagona umumrespublika protsessing markazi tizimida 2018-yil 15-sentabri, kechki soat 18:52 da texnik nosozlik kuzatildi. Markazimiz mutaxassislari tomonidan tizimni kun davomida ishga tushirish uchun barcha zarur chora-tadbirlar olib borilmoqda. Mobil to‘lov tizimlari pul mablag‘lariga tegishli ma’lumotni taqdim eta olmayapti. Pul mablag‘lariga tegishli barcha ma’lumotlar havfsiz holatda saqlanmoqda. Vaqtinchalik noqulayliklar uchun uzr so‘raymiz”, - deyilgan xabarda.
Eslatib o‘tamiz, biroz oldin Facebookdagi “Potrebitel.uz” guruhida bank kartalar egalari hisob raqamlarida “0” so‘m ko‘rsatilayotganinidan xavotir olayotgani haqida xabarlar joylashtirilgan edi.
