TOShKENT, 13 sen - Sputnik. O‘zbekiston Respublikasi o‘tkazilgan mablag‘lar bo‘yicha yetakchilik qilmoqda, deyilgan Rossiya Markaziy banki xabarida.
“2018 yilning ikkinchi kvartalida Rossiyadan O‘zbekistonga bir milliard dollardan ortiq mablag‘ kelib tushdi. Ulardan 759 million $ – O‘zbekiston fuqarolaridan va 318 million $ Rossiya fuqarolaridan. Har bir o‘tkazmaning o‘rtacha miqdori 375 $ ni tashkil qildi”, - deyilgan xabarda.
O‘zbekistondan Rossiyaga o‘tkazilgan mablag‘lar miqdori 95 million dollarni tashkil qildi.
Taqqoslash uchun ushbu davr ichida Rossiyadan Tojikistonga 672 million dollar o‘tkazilgan, Qirg‘izistonga esa 681 million $.
Eslatib o‘tamiz, 2014-yilga qadar Rossiyadan O‘zbekistonga o‘tkazilayotgan mablag‘lar hajmi yiliga o‘rtacha 5,5 mlrd $ni tashkil qilar edi. 2015, 2016-yillarda, Rossiyada dollar kursining o‘sishi oqibatida, ushbu o‘tkazmalar hajmi o‘rtacha 2 baravar kamaydi (2,7 mlrd$) . 2017-yildan boshlab o‘tkazmalar hajmi oshishi kuzatila boshladi (3,9 mlrd$) .
