TOShKENT, 7 sen — Sputnik. Britaniyaning The Guardian gazetasi o‘zbek palovini dunyoning eng yaxshi "ko‘cha taomlari" o‘ntaligiga kiritdi.
Shuningdek, ro‘yxatda Fransiya blinchiklari, Ruminiya ponchiklari, Nepal momo chuchvarasi, Meksika baliqli tilapiyasi va Bangkok retsepti bo‘yicha tayyorlanadigan taom tilga olingan.
“O‘zbekistonning qayerda bo‘lishingizdan qat’iy nazar, polov har doim sizga yaqin joyda bo‘ladi. Go‘yoki siz har doim ulkan qozon oldidasiz. Asosiy masalliqlari – guruch, go‘sht, sabzavotlar. Menga nohot va magiz solingani juda yoqadi. Toshkent Markaziy bozorida sayir qilganimda, bizni katta dasturxonda o‘tirgan ishchilar guruhi oshga taklif qildi. Bu mehmondo‘stlikning eng yorqin namunasidir”, - deb yozadi maqola muallifi.
