O‘zbekistonda MDHda yagona bo‘lgan 4K formatli telekanal ishga tushiriladi

© Sputnik / Ramil Sitdikov / Mediabankka o‘tishmontajnaya komnata televizionnogo kompleksa
montajnaya komnata televizionnogo kompleksa - Sputnik O‘zbekiston
Obuna bo‘lish
Telekanalda yosh chegarasi yo‘q, u tunu kun efirga chiqadi.

TOShKENT, 31 avg — Sputnik. 1-sentabr kuni O‘zbekistonda 4K formatidagi ilk telekanal — Lux.TV ishga tushiriladi. Bu haqda O‘zMTRK raisi Alisher Xodjayev Facebook sahifasi orqali ma’lum qildi.

Uning so‘zlariga ko‘ra, bu MDH mamlakatlari va Markaziy Osiyo mintaqasidagi ilk 4K formatli yuqori tiniqlikdagi 24 soat uzluksiz namoyish etuvchi telekanaldir.

AKT vazirligi bilan hamkorlikda ishga tushirilayotgan ushbu telekanal O‘zMTRKning texnik va texnologik imkoniyatlarini namoyish etuvchi yuqori darajali brendga aylanadi, deb kutilmoqda.

“Chunki bu telekanal o‘z dasturlari yordamida teletomoshabinlarni a’lo kayfiyat ulashuvchi orombaxsh lahzalarga oshno qilib, mazmunli hordiq chiqarish bilan bir qatorda turmush tashvishlaridan bir muddat uzoqlashib, hayot go‘zalliklaridan bahra olishga chorlaydi”, — deyiladi telekanal ta’rifida.

Telekanalda yosh chegarasi yo‘q, u tunu kun efirga chiqadi. Unda madaniyat va san’at, go‘zallik va moda, hunarmandchilik, turizm, tabiat va boshqa ko‘plab shu kabi mavzularda ko‘rsatuvlar, dasturlar efirga uzatiladi.

Yangiliklar lentasi
0