TOShKENT, 20 avg – Sputnik. Abdulla Aripovning avtomobili yo‘l-transport hodisasiga uchradi, bosh vazir yengil tan jarohatlari bilan shifoxonaga yotqizildi, deb xabar qilmoqda Gazeta.uz, hukumatdagi axborot manbasiga asosan.
“19 avgust kuni kechqurun O‘zbekiston bosh vaziri Adulla Aripov Bekoboddan Toshkentga kelayotgan yo‘lda yo‘l-transport hodisasiga uchradi. YTH sodir bo‘lganda hukumat rahbari xizmat mashinasida bo‘lgan, u yengil tan jarohatlari bilan shifoxonaga yotqizilgan, uning salomatligiga hech narsa tahdid solayotgani yo‘q”, - deyilgan xabarda.
Ushbu yo‘l-transport hodisasida bosh vazirdan tashqari yana bir kishi jarohatlangan.
